معتش فاهم الي بيحصل فى الصناديق

 

أخى العزيز / الأستاذ عبد العزيز

لقد قرأت مقال لك ببيت المال ومعتش فاهم الا بيحصل فى الصناديق ومش عارف المركب رايحه فين هل ستغرق السوق المصرى أم هناك امل جميع المحللين والفنين بيقولو لنا الأستثمار الأمن فى الصناديق فأين الأمان الأن وهل ممكن نلاقى المؤشر وصل صفر مثلا نرجو توضيح الصوره  وشكرا

اخوك شريف

اخي الحبيب شريف بك

يشرفني زيارتك و متابعتك لما اكتب

اسمحلي ارد عليك بسرعة

1:كل الناس مش عارفة الدنيا كلها راحة فين احنا شعارنا في المرحلة دي "علي حسب الريح ما تودي الريح ما تودي........وياها انا ماشي ولا بيدي"

2:المرحلة دي مش بتاعة محللين فنيين ولا ماليين دي مرحلة تجار شاطرين

3:لو انتا قريت مقال بيت المال يبقي نصيحتي ليك لو ما كنتش واحد من التجار الكبار او اللي في الصف التاني يبقي استخبي يا باشا و لو كنت من الناس اللي ممسوكين في القهوة اصدي السوق يبقي استحمل الضرب و نكون رجالة و وقفنا وقفة رجالة

4:اداء معظم مديري الصناديق لا يقل إحباطا عن اداء الفريق القومي المصري.

و إن كان الاسبوع ده الاسعار بتقول ان فبه ناس منهم ابتدت تراجع نفسها .

5:يا باشا لما تكون بيتك العيال بتحدفه بالطوب يبقي ممكن تئمن بسلك او حديد و لما يكون فيه ضرب مدافع يبقي ممكن تئمن بجدرا خرسانة قوية انما لما تكون حرب نووية زي اللي احنا فيها دي يبقي مافيش امان.

6:موضوع المؤشر يكون صفر دي نظريا ممكن عمليا مش ممكن

لكن الموضوع مش موضوع صفر الموضوع هو انتا لما يكون قريب من الصفر ها تكون في اي جانب.. جانب اللي بيجرو من الضرب ولا اللي بيلمو غنايم المعركة ده السؤال المهم.

اتمني ما كنش طولت عليك

اخوك عبد العزيز البغدادي