الداو جونز يحكى ما حدث قديما وحديثا

السلام عليكم ورحمة الله وبركاته

تشارت الداو جونز يحكى ما حدث قديما ويلقى نظرة على المتوقع مستقبلا

نقطة البداية من حكاية الداو سنجعلها عند وصوله الى اقل قاع واقل نقطة فى تاريخه فى الثلاثينيات فى وسط ازمة الكساد العظيم بتاع عمنا كينز ونظرياته الاقتصادية

لم يبداء الداو فى صناعه خط ترند صاعد له الا مع نهايات الازمة تقريبا فى منتصف سنه1942 عندما وجد القاع الذى صنع منه ترنده الصاعد(الخط الابيض بالرسم السابق)  والذى بداء يسير عليه صاعدا ، ويختبره كدعم قوى له كل فترة ويصنع عنده قاع جديد ثم يصعد من جديد ليبنى قمة اعلى من القمة التى هبط منها ليختبر الترند

واصبح هذا حال المؤشر العريق حتى بداية ازمة السبعينات الشهيرة ،،اى ان هذا الخط الابيض بالرسم استطاع ان يحمل ويتحمل صدمات الاقتصاد الامريكى طوال تقريبا ثلاثين عاما

ولكن كانت الازمة فى السبعينات قوية على هذا الترند القوى فكسره الداو هابطا لاسفل منه

ثم عاد محاولا اختبار الترند المكسور والعوده فوقه مرة اخرى فى عام 1973 الا ان النتيجة كانت سيئه جدا ودفعه الفشل فى الصعود فوق الترند الى قاع اقل من القاع الذى صنعه كسر الترند اول مرة واعتقد ان امريكا فى هذا العام لم تكن تتحمل قرار العرب بقطع البترول عنها وان لهذا القرار ولحرب اكتوبر اثر اكيد ومباشر على نتيجة اختبار الداو للترند الابيض

المهم  تحرك الداو جونز عرضيا خلال هذا العقد من السبعينات الى الثمانينات كما موضح بالمستطيل البنى فى الرسم السابق

الى ان وجد قاع فى سنه 1980بدء من عنده من جديد فى بناء خط ترند صاعد ثانى (الخط الاصفر بالرسم السابق) ثم بدء يصعد من جديد عليه ولكن كان صعوده شبه ملتحم بالخط حتى سنه 1995 ضاعف المؤشر من سرعه صعوده وابتعد كثيرا عن الخط الاصفر حتى سنه 2000 والتى حاول فيها الصعود مرة اخرى فوق الخط الابيض القديم  اللى مكسور من السبعينات وكانه اراد ان يودع هذا القرن غير خاسر لاى شىء الا ان النتيجة كانت مخيبة للامال بشده ،،كما يبدو انه مع كل محاوله للصعود فوق هذا الخط تحدث لامريكا مصيبه تزيد من جراحها فمع الفشل الاول لعبور الترند الابيض لفوق كانت حرب اكتوبر وقطع البترول فوق ازمة امريكا الاقتصادية وقتها والتى خرجت منها بفك الدولار عن الغطاء الذهبى له،هذه المرة كانت احداث 2001 وهجماتها مصاحبه للفشل فى عبور الخط الترند الابيض فذهب المؤشر لاخذ قوة صعودية مرة اخرى من ترنده الاصفر الذى حمله عشرين سنه سابقه

فكسرة لاسفل وحاول الصعود اكثر من مرة ولم يستطيع ،فاشتغل عرضى كعادته عند كل كسر لترند صاعد محاولا الصعود فوق الترند مرة اخرى موضحا بالمربع البنى الثانى بالتشارت ،،اخيرا استسلم الداو لكسر الترند الاصفر وبداء فى بناء ترند جديد موضح بالشارت التالى باللون اللى انا مش عارف اسمه والله ده بس هو اقرب للون قشر البطاطس    

لكن الداو صنع ترند اضعف مما كان يصنع سابقا ،المهم انه بدء يصعد مرة اخرى الى ان وصل لمرحله انه يختبر الترند الاصفر المكسور حديثا نسبيا ،وكان ده فى منتصف 2007 ومقدرش فرجع على الترند فرجعه تانى للترند الاصفر يختبرة لتانى مرة وسط تقارير بضعف حاله الاقتصاد الامريكى وحروب امريكيه فى معظم مناطق العالم ورئيس اهبل شبه القرود على راس السلطة التنفيذيه الامريكية ،المهم مقدرش لتانى مرة الداو وارتد لاسفل من قبل اختبار الخط بشويه كده رجع تانى للترند فرده بتاع الطاطس فرده لفوق مقدرش بقى الداو يكمل وكان نفسه اتقطع خلاص وراح راجع تانى لتحت، ،،،،الخط البطاطساوى بقى خط ترند ونيك لاين لراس وكتفين فى الداو جونز ،،اوم الداو جونز راح كاسر الخط والنيك لاين وعمل بولباك تانى على الخط ارتد من قبله

وراح الداو جونز ،،عادى المفروض انه حسب التاريخ كان هيبداء يتحرك تحت الترند عرضى ويصنع ترند جديد يطلع عليه وفعلا بدء فى كده لكن بعد فترة من الحركة اللى شبه عرضيه دى اللى فى المستطيل البنى فى الرسمة التالية

كسر الداو الترند اللى كان بيصنع فيه وكسر الحركة شبه العرضيه وكان عمال يحاول تانى يطلع يدخل جوه المستطيل اللى فى الرسمة ،،اووووم جت المصيبه السوده بتاعه الائتمان العقارى وتفليس بنك ليمان برازرز ،،اووم نزل الداو جونز ومحطش منطق الا بعيد قوى الله يخرب بيته زى ما خرب محفظتى ،، المهم نزل الداو جونز زرع بصل كده ،فى حركة راسيه مباشرة لاسفل لحد ما استقر مؤقتا عند 7450 كده وشكله بيحاول يبنى حاجة دلوقتى لسه ما بانتش ملامحها كويس بس اللى واضح شويه هى القناه الهابطة اللى باللون البمبة فى الرسمة السابقه اللى قبل ما ياخد اجازة الكريسمس بتاعته بيفرح الناس بتوعه يعنى انه هيخترقها لفوق ،،لكن لحد دلوقتى منقدرش نقول انه اخترقها بجد لسه ،،ولو راح نزل تانى لحد 8000 كده وعرض شويه ممكن يعملنا مقلوب راس وكتفين ،،منزلش وكمل يبقى كتر خيرة وربنا معاه بقى ويكمل طلوع ويعملنا ترند صاعد جديد يشيله حتى عشر سنين بس عقبال ما الم فلوسى من البورصه واخرج منها لا ليا وعليا ودى اخرة اللى يعتمد على الاجانب ومؤشراتهم يا جدعان    
--
مهند،،،

منقول عن اخونا مهند

جذاه الله كل خير